ફ્લાઈટથી આવીને ચોરી કરતો હતો લક્ઝરી કાર, બદમાશના કારનામાથી પોલીસ પણ હેરાન

મધ્યપ્રદેશ પોલીસે (Madhya Pradesh Police) એક VIP ચોર (VIP Thief of MP) ની ધરપકડ કરી છે. ઈન્દોર (vip car thief sher singh meena arrest) માં આ કાર ચોર ફ્લાઈટ દ્વારા આવતો હતો. અને હાથ સાફ કર્યા બાદ આ કાર ચોર મોંઘી હોટલમાં આરામ કરતો હતો. આ ચોર શહેરના પોશ વિસ્તારોમાં મોંઘી અને લક્ઝરી કારને નિશાન બનાવતો હતો. આ પછી, કારમાં એક ખાસ ઉપકરણ મૂકીને, તે પાંચ મિનિટમાં તેને હેક કરતો હતો અને પછી તેને ઉડાવી લેતો હતો. લક્ઝરી કાર હોવાથી આરોપી શેરસિંહ મીણાને પોલીસે પણ રોકી શકતી ન હતી. પોલીસનું કહેવું છે કે આ શાતિર ચોર રાજસ્થાનના કરૌલીનો રહેવાસી છે.

શેરસિંહ મીણાની ધરપકડ બાદ અનેક ચોંકાવનારા ખુલાસાઓ સામે આવ્યા છે. તેને પોલીસની સામે તેની ચોરીની ટ્રીકનો ડેમો પણ બતાવ્યો છે કે કેવી રીતે તે મિનિટોમાં લક્ઝરી કારને હેક કરીને ચોરી લેતો હતો. ખરેખર, તે આ ઉપકરણમાંથી ડુપ્લિકેટ ચાવીઓ બનાવી લેતો હતો. અને ત્યારબાદ તે આ મોંઘી કારને લઈને ભાગી જતો હતો. શેરસિંહ મીનાનું કહેવું છે કે તે ઉપકરણની કિંમત માત્ર 30 હજાર રૂપિયા છે. તે કસ્ટરની માંગણી પર કારની ચોરી કરતો હતો. અને તેને જણાવ્યું છે કે તેને આ પહેલા ઘણી બધી લક્ઝરી કારની ચોરી કરી ચુક્યો છે.

ગ્રાહક બનીને પહોંચી હતી પોલીસ

કહેવામાં આવી રહ્યું છે કે પોલીસ આ ચોર પાસે ગ્રાહક બનીને પહોંચી હતી અને તેનો સંપર્ક કર્યો હતો. ત્યારબાદ પોલીસે બધું પ્લાનિંગ કરીને તેની ધરપકડ કરી લીધી હતી. જો કે તેને આ ચોરીનો ઈન્દોરના ડેમો પણ લાસુડિયા પોલીસ સ્ટેશનમાં બતાવ્યો હતો. કહેવાય છે કે શેરસિંહ મીણા છઠ્ઠું ફેલ છે, પરંતુ ઈન્દોર પોલીસ પણ તેના કારનામા જોઈને આશ્ચર્યચકિત થઈ ગઈ છે. આ ચતુર ચોર મિનિટોમાં લક્ઝરી કારને હેક કરી લેતો હતો.

ઈન્દોર પોલીસનું કહેવું છે કે શેર સિંહે ઘણી લક્ઝરી કારોના તાળા તોડી નાખ્યા છે. તે હાઈ સુરક્ષાને સરળતાથી તોડી શકતો હતો. પોલીસનું કહેવું છે કે આરોપીઓ સામે દિલ્હી, ગુજરાત, રાજસ્થાન, મધ્યપ્રદેશ સહિત વિવિધ રાજ્યોમાં લૂંટ, ચોરી, વાહન ચોરી, લૂંટના 50 થી વધુ કેસ નોંધાયેલા છે. પોલીસનું કહેવું છે કે શેરસિંહ ઘણી વખત પોલીસને ચકમો આપીને પોલીસ કસ્ટડીમાંથી ભાગી ગયો છે. જેના કારણે અનેક પોલીસકર્મીઓને સસ્પેન્ડ પણ કરી દેવામાં આવ્યા છે.

જાણો શું છે સમગ્ર મામલો

ખરેખરમાં ફેબ્રુઆરીમાં એક બિઝનેસમેનની કાર ચોરાઈ ગઈ હતી. પોલીસને આ કાર બિનવારસી હાલતમાં મળી આવી હતી. આ દરમિયાન પોલીસને ટેબલેટ, સિમ, ટૂલ્સ મળી આવ્યા હતા. પોલીસે સિમ ચેક કર્યું તો નોઈડા-ગુરુગ્રામ NCRની લિંક મળી આવી. સુરાગ મળ્યા બાદ પોલીસ ગુના અને ગુરુગ્રામ જવા રવાના થઈ હતી. ત્યારબાદ કોલ ડિટેઈલના આધારે પોલીસે શેરસિંહ મીણાની ધરપકડ કરી લીધી હતી.