ભારત-પાકિસ્તાન સીમા પર અવાર નવાર એવા બનાવો બનતા હોય છે કે જેમાં ભારતીય સેના તેની દરિયાદિલી બતવામાં સહેજ પણ પાછળ હટતી નથી. બાડમેરમાં આઠ વર્ષિય પાકિસ્તાની બાળકે ભૂલ માં આંતરરાષ્ટ્રીય સરહદ પાર કરીને ભારતમાં પ્રવેશ કર્યો હતો . સરહદ પર નજર રાખતા બીએસએફના જવાનોએ તાત્કાલિક આા બાળક ને પાકિસ્તાનને સોંપ્યો હતો.
બીએસએફ ગુજરાત ફ્રન્ટીયરના ડેપ્યુટી ઇન્સપેક્ટર જનરલ એમ.એલ. ગર્ગ દ્વારા આ વાતની પુષ્ટિ કરવામાં આવી છે. ગર્ગે કહ્યું કે શુક્રવારે સાંજે લગભગ 5.20 વાગ્યે, એક 8 વર્ષનો બાળક અજાણતાં આંતરરાષ્ટ્રીય સરહદ પાર કરી ગયો અને બીએસએફની 83 મી બટાલિયનના બીઓપી સોમરાતની સીમાસ્તંભ નંબર 888/2-એસ નજીક ભારતીય સરહદમાં પ્રવેશ કર્યો.
તેણે કહ્યું કે જ્યારે બીએસએફ જવાનોએ તેને પકડ્યો ત્યારે તે ડરી ગયો અને રડવા લાગ્યો. બીએસએફ જવાને તેને શાંત કરવાનો પ્રયાસ કર્યો અને તેને ખાવા માટે ચોકલેટ આપી. બીએસએફના જણાવ્યા અનુસાર બાળકની ઓળખ કરીમ, પાકિસ્તાન નાગર પારકરમાં રહેતો યમનુ ખાનનો પુત્ર તરીકે થયો હતો.
ગર્ગે કહ્યું કે તેમણે પાક રેન્જર્સ સાથે ફ્લેગ મીટિંગ બોલાવી હતી અને તેમને નાના ક્રોસિંગ વિશે માહિતી આપી હતી. ત્યારબાદ સાંજે 7.15 વાગ્યે બાળકને પાછા પાકિસ્તાની રેન્જર્સને સોંપવામાં આવ્યો હતો.
તમને જણાવી દઇએ કે ભારતે ઘણા પ્રસંગોએ ઘણી ઉદારતા રજૂ કરી છે, પરંતુ પાકિસ્તાન નું આ બાબતે વલણ ખૂબ ખરાબ છે. બાડમેરના બિજમેર પોલીસ સ્ટેશન વિસ્તારના 19 વર્ષીય ગૌમરામ મેઘવાલ ગત વર્ષે 4 નવેમ્બરે અજાણતાં આંતરરાષ્ટ્રીય સરહદ પાર કરી પાકિસ્તાન માં ઘૂસી ગયો હતો, પરંતુ પાકિસ્તાને હજી સુધી તેને ભારતના હવાલે કર્યો નથી.
