વિડીયો : ડ્વેન બ્રાવોનું નવી સીઝનનું નવું સેલિબ્રેશન સોશિયલ મીડિયા પર આગની જેમ વાયરલ

ઈન્ડિયન પ્રીમિયર લીગ એટલે કે IPL 2022 ની પ્રથમ મેચમાં ચેન્નાઈ સુપર કિંગ્સ અને કોલકાતા નાઈટ રાઈડર્સ સામ-સામે ટકરાઈ હતી. જેમાં કોલકાતા નાઈટ રાઈડર્સે ચેન્નાઈ સુપર કિંગ્સને છ વિકેટથી હરાઈ દીધું હતું. તેમ છતાં આ મેચ દરમિયાનનો ડ્વેન બ્રાવોનો એક વિડીયો વાયરલ થઈ રહ્યો છે. મુંબઈના વાનખેડે સ્ટેડિયમમાં રમાયેલી આ મેચમાં CSK ના ઓલરાઉન્ડર ડ્વેન બ્રાવોએ પોતાના સેલિબ્રેશનથી દિલ જીતી લીધા હતા. દરેક વ્યક્તિ જાણે છે કે, ડ્વેન બ્રાવો ડીજે છે અને તે ગાવાનું અને ડાન્સ કરવાનું પસંદ છે. એવો જ કંઇક ચેમ્પિયન વાળો નવો અંદાજ ડ્વેન બ્રાવોથી આઈપીએલના નવી સીઝનમાં જોવા મળ્યો છે.

વાસ્તવમાં, IPL 2022 ની પ્રથમ મેચમાં KKR સામે ડ્વેન બ્રાવોએ જેવી જ વેંકટેશ અય્યરની વિકેટ લીધી તો તે એક અલગ પ્રકારની ઉજવણી કરવા લાગ્યો હતો. ડ્વેન બ્રાવો અગાઉ પણ ખાસ સેલિબ્રેશન માટે જાણીતો હતો, પરંતુ તે પહેલા ચેમ્પિયન-ચેમ્પિયન સેલિબ્રેશન કરવાનું પસંદ કરતો હતો, પરંતુ આ વખતે તેણે આંગળી બતાવીને બેટ્સમેનને ચીડવવાનો પ્રયાસ કર્યો, પરંતુ તેની સ્ટાઈલ કોઈને પણ ખરાબ લાગશે નહીં.

ડ્વેન બ્રાવોની આ ઉજવણી IPL ના જ ટ્વિટર હેન્ડલ પર શેર કરવામાં આવી છે. એવામાં આ સેલિબ્રેશન ડ્વેન બ્રાવોની નવી સિઝનનું નવું સેલિબ્રેશન છે જે સોશિયલ મીડિયા પર આગની જેમ વાયરલ થઈ રહ્યું છે. જેને માત્ર તેને જ નહીં પરંતુ ક્રિકેટના કરોડો ચાહકો પણ પસંદ કરવામાં આવી રહ્યું છે. તેમ છતાં આ મેચ ચેન્નાઈ સુપર કિંગ્સ માટે સારી રહી ન હતી, કારણ કે ટીમ ટોસ હારીને પ્રથમ બેટિંગ કરીને 131 રન બનાવી શકી હતી. જયારે આ ટાર્ગેટ કેકેઆરે છ વિકેટ ગુમાવીને પ્રાપ્ત કરી લીધો હતો.