સમજાતું નથી કે…આ શખ્સને દાદ આપવી કે તેના પર હસવુંઃ જૂઓ આ ફની વાયરલ વિડીયો

અત્યારે યુવાનોમાં સ્ટંટને લઈને ખૂબ જ ક્રેઝ જોવા મળતો હોય છે. આ લોકો ક્યારેક બાઈક તો ક્યારે સાયકલ અથવા તો કોઈ ભારે ભરખમ ગાડી લઈને જ્યાં તક મળે ત્યાં સ્ટંટ કરવા લાગતા હોય છે. કેટલીયવાર એવું જોવા મળ્યું છે કે, આ લોકોના સ્ટંટ વાયરલ થઈ જાય છે અને કેટલીક વાર તેમને આ સ્ટંટ કરવાની ભારે કિંમત પણ ચૂકવવી પડે છે.

અત્યારે આવો જ એક જોરદાર વિડીયો સામે આવ્યો છે. આ વિડીયોમાં એક વ્યક્તિ સાઈલથી સ્ટંટ કરી રહ્યો છે અને અચાનક તેનું બેલેન્સ બગડી જાય છે અને બાદમાં જે થયું તે ઘટના આ વ્યક્તિ જીવનમાં ક્યારે ભૂલી નહી શકે.

વિડીયોમાં આપ જોઈ શકો છો કે એક શખ્સ બાળકોની સાઈકલ ચલાવતો તેના પર સ્ટંટ કરી રહ્યો છે. તે પહેલા સાઈકલ અને પછી બાદમાં રોડ પર કરતબ બતાવવાના પ્રયત્નો કરે છે. પરંતુ ત્યાં જ તેનું બેલેન્સ બગડી જાય છે અને ધડામ કરીને સાઈકલની ઉપર પડે છે. જો કે, સદનસીબે બીજીબાજુથી આવી રહેલી ગાડી બાજુ તે ન પડ્યો નહીતો તેનો જીવ જઈ શકતો હતો.

લોકો ન માત્ર વિડીયો શેર કરી રહ્યા છે પરંતુ આ વિડીયો પર અલગ-અલગ પ્રકારની કમેન્ટ્સ અને રિએક્શન પણ આપી રહ્યા છે. લોકોને સમજાતું નથી કે આવું ખતરનાક કામ કરવા માટે આ શખ્સની દિલેરીને દાદ આપવી કે પછી તેની મૂર્ખતા પર હસવું. એક અન્ય યુઝરે કમેન્ટ કરતા લખ્યું કે, આ પ્રકારના સ્ટંટ કરતા પહેલા ખૂબ જ પ્રેક્ટિસ કરી લેવી જોઈએ. અન્ય એક યુઝરે લખ્યું કે, આ પ્રકારના ખતરનાક સ્ટંટ આપણે રોડ પર ન કરવા જોઈએ.