એક્સપ્રેસ વે પર લૂટવામાં આવી બસ, છ લુટારાઓ એ યાત્રિકો પાસે થી પૈસા-ઘરેણાં તેમજ ફોન ની કરી લુંટ.

યમુના એક્સપ્રેસ-વે ઉપર સુનિલ ક્ષેત્રમાં દિલ્હી થી હમીરપુર જતી બસમાં સવાર લોકોને કેટલાક બદમાશોએ ડરાવી ધમકાવીને લૂંટી લીધા હતા, તેમના ઘરેણા પણ લઈ લીધા હતા. રાતના ત્રણ વાગ્યે થયેલી આ લૂંટની સુચના મળતા એએસપી અને  રેન્જ આઈ જી તરત ઘટના સ્થળે પહોંચી ગયા હતા. એએસપી એ આ બાબતે વધુ તપાસ હાથ ધરવા માટે પાંચ અલગ અલગ ટીમો બનાવી છે.

ગઇરાત્રે એક પ્રાઇવેટ બસ ચાલક લગભગ બે ડઝન મુસાફરોને દિલ્હી થી હમીરપુર લઈ જઈ રહ્યો હતો. આ દરમિયાન યમુના એક્સપ્રેસ-વે ઉપર માઈલ્સટોન અઠ્યાસી ની નજીક લગભગ છ જેટલા યુવકોએ બસને ઉભી રખાવી. એ લોકો કંડકટર પાસેથી પૈસા નું બેગ આચકવા માંડ્યા. કંડક્ટરે વિરોધ કરતા લૂંટારુઓએ તેને માર માર્યો અને ધમકાવ્યો. લુટારાઓ એ યાત્રીઓ ને પણ લૂંટી લીધા ત્યારબાદ આ લૂંટારાઓ ફરાર થઈ ગયા હતા.

એ એસ પી ગૌરવ ગ્રોવરે જણાવ્યું કે હમીરપુર જવા વાળી આ પ્રાઇવેટ બસ મા લગભગ 25 મુસાફરો સવાર હતા. બસચાલકે કેટલાક લોકોને રસ્તામાંથી પર બેસાડ્યા હતા. આ બદમાશોએ યાત્રીઓ પાસેથી કુલમળી ને  166000 રૂપિયા, સોનાની ચેન અને અન્ય આભુષણો તેમજ 6 મોબાઈલ ફોન લૂંટી લીધા છે.જેમાં કંડક્ટર પાસે થી 25300, શ્યામ બાબુ મહુએ પાસે થી 5000, તુલરામ પાસેથી 3500 વગેરે… તેમજ અન્ય લોકો ના પણ પૈસા લઈ ગયા છે.