એક શખ્સે આંખમાં મરચું ફેંકીને રૂપિયા 12 લાખની લૂંટ કરવાનો પ્રયાસ કર્યો, પરંતુ એક અન્ય વૃધ્ધ તેને..

અમદાવાદના વસ્ત્રાપુર તળાવ પાસે ચોરોએ એક વ્યક્તિના હાથમાંથી પૈસા ભરેલી બેગ છીનવી લીધી. પ્રાપ્ત માહિતી અનુસાર, વ્યક્તિ એક નાણાકીય કંપનીમાં કામ કરે છે. આ ઘટના બની ત્યારે તે ફોન પર વાત કરી રહ્યો હતો. અચાનક એક 30 વર્ષીય વ્યક્તિએ તેની આંખમાં મરચાંનો પાવડર ફેંક્યો અને તેની કારમાં ઘુસીને પૈસાથી ભરેલી થેલી છીનવી નાસી ગયો. જોકે બાદમાં આરોપી એક વૃદ્ધની મદદથી આરોપી પકડાયો, નહીંતર તે પૈસા લઈને ભાગી ગયો હોત. ટૂ-વ્હીલરમાં સવાર આરોપીને તાત્કાલિક પોલીસ પાસે લઈ જવામાં આવ્યો હતો.

લુટાયેલી બેગમાં 12 લાખ રૂપિયા હતા અને સાથે સાથે પોલીસે કારમાં રાખેલા 2 કરોડ રૂપિયા પણ રિકવર કર્યા હતા. પ્રભારી ડીસીપી (ઝોન -1) હર્ષદ પટેલે જણાવ્યું હતું કે આ ઘટના સોમવારે બપોરે 3 વાગ્યાની આસપાસ બની હતી. તેમણે કહ્યું કે, નારણપુરામાં ગ્રો મોર બુલિયન ટ્રેડિંગ કંપનીના કર્મચારીઓ સુનીલ ચૌહાણ અને સતીશ પટણીએ વસ્ત્રાપુરની એક બેંકમાંથી રોકડ એકત્રિત કરી અને તેમની કારમાં રાખી હતી. દરમિયાન ચાંદલોડિયા નિવાસી અંકુર મોડેસરાએ તેને નિશાન બનાવ્યો હતો.

પટેલે કહ્યું- ‘મોડેસરાએ પોતાનું સ્કૂટર તેમની કારની સામે પાર્ક કર્યું, શાંતિથી ચૌહાણ પાસે ગયા. તે સમયે ચૌહાણ ફોન પર વાત કરી રહ્યો હતો ત્યારે આરોપીએ તેના ચહેરા પર મરચાનો પાવડર ફેંક્યો હતો. ચૌહાણ શું થયું તે સમજે તે પહેલા જ મોડેસરા કારની બીજી બાજુએ ગયા. દરવાજો ખોલ્યો, બેગ ઉપાડી અને તેના ટુ વ્હીલર તરફ દોડ્યો. જોકે, ચૌહાણે પીછો કરીને વાહનને પકડી પાડ્યું હતું. જેના કારણે 30 વર્ષીય આરોપીને સ્કૂટર છોડીને પગપાળા ભાગી જવું પડ્યું હતું.

પોલીસનાપ્રત્યક્ષદર્શીઓએ જણાવ્યું હતું કે મોડેસરાએ કારની પાછળ છુપાવવાનો પ્રયાસ કર્યો હતો, પરંતુ એક વૃદ્ધ વ્યક્તિએ હંગામો કર્યો અને વસ્ત્રાપુર પોલીસને જાણ કરી, ત્યારબાદ તેની ધરપકડ કરવામાં આવી.પટેલે જણાવ્યું હતું કે, મોડેસરા ભૂતકાળમાં પણ અન્ય કોઇ લૂંટ કે ગુનામાં સંડોવાયેલ છે કે કેમ તે અંગે પોલીસ તપાસ કરશે.